LOKSANDESH NEWS
सांगली महापालिकेच्या योजना : अंदाजपत्रकात समाविष्ट करायच्या अन् विसरायच्या!
📍 सांगली |
सांगली-मिरज-कुपवाड महापालिकेच्या कारभारावर पुन्हा एकदा संशयाचे ढग दाटले आहेत. दरवर्षी अंदाजपत्रकात मोठमोठ्या योजनांची घोषणा करायची आणि वर्षअखेर त्या योजनांचा मागमूसही नसतो, असे चित्र गेल्या काही वर्षांत पाहायला मिळत आहे. यंदाही मागील अंदाजपत्रकातील अनेक अपूर्ण योजना नव्या २०२५-२६ च्या अर्थसंकल्पात समाविष्ट करण्यात आल्या आहेत. मात्र, त्या प्रत्यक्षात कधी आणि कशा पूर्ण होतील, याची कोणतीही खात्री नागरिकांना वाटत नाही.
📌 योजना फक्त कागदावरच!
महापालिकेने २०२४-२५ चा अर्थसंकल्प एप्रिलमध्ये जाहीर केला होता. आता २०२५-२६ चा अर्थसंकल्प समोर आला असून त्यातील अनेक योजनांचे प्रत्यक्ष कार्यान्वयन झालेले नाही. शहराच्या विकासासाठी, सोयीसुविधांसाठी ज्या योजना राबवायच्या होत्या, त्या अद्यापही कागदावरच आहेत.
विशेष म्हणजे, याच अपूर्ण राहिलेल्या योजनांना नव्या अंदाजपत्रकात पुन्हा समाविष्ट करण्यात आले आहे. त्यामुळे त्या खरोखर पूर्ण होणार का, की पुढील वर्षी पुन्हा त्याच योजना नव्या स्वरूपात मांडल्या जातील, हा प्रश्न नागरिकांमध्ये उपस्थित होत आहे.
✅ या योजना प्रत्यक्षात आल्या
✅ घरपट्टी, पाणीपट्टी, जन्मदाखला तसेच बांधकाम परवाने ऑनलाईन करण्याच्या योजनेस यश मिळाले.
✅ करसंकलनाचे काम ऑनलाईन करण्यात आले आहे.
✅ ड्रोनद्वारे वृक्षगणनेसाठी निविदा प्रसिद्ध करण्यात आली.
🚧 या योजना मात्र अजूनही रखडल्या
🚧 राष्ट्रीय नदी कृती योजना – सांगली शहरातील शेरीनाल्याच्या सांडपाणी शुद्धीकरण प्रकल्पासाठी ९३ कोटींचा प्रस्ताव शासनाकडे मंजुरीसाठी प्रलंबित आहे.
🚧 एस.टी.पी. उभारणी प्रकल्प – महत्त्वाकांक्षी प्रकल्प असूनही अद्याप मंजुरी मिळालेली नाही.
🚧 विकास आराखडा प्रस्ताव – शासनदरबारी वर्षानुवर्षे प्रलंबित.
🚧 बदली व मानधनावरील कामगारांचे कायमस्वरूपीकरण – शासनाकडून वित्तीय मदतीची वाट पाहत आहे.
🔍 नागरिकांच्या अपेक्षा आणि प्रशासनाची जबाबदारी
महापालिकेने सादर केलेला नव्या वर्षाचा अर्थसंकल्प फक्त घोषणा म्हणून न राहता त्यावर ठोस अंमलबजावणी व्हावी, अशी मागणी नागरिकांकडून होत आहे. महापालिकेने केवळ कागदी घोडे नाचवण्याऐवजी योजनांची प्रभावी अंमलबजावणी केली पाहिजे, अन्यथा प्रशासनावरील विश्वासच उडेल, अशीही प्रतिक्रिया आहे.
📢 आपले मत कळवा!
सांगली महापालिकेच्या या योजनेबाबत आपली काय प्रतिक्रिया आहे? आपले मत आम्हाला कमेंटमध्ये नक्की कळवा!
लोक संदेश न्यूज मीडिया प्रायव्हेट लिमिटेड मुंबई/ सांगली
